Lajmet

Takohen ambasadori i Kosovës dhe ai i Izraelit në Francë, përshëndesin hapjen e ambasadës në Jerusalem

Gashi ka shkruar në Twitter se ka pasur një mikpritje të ngrohtë nga ambasadori Saada, me të cilin kanë diskutuar për hapjen e ambasadës së Kosovës në Jerusalem.

“Një mirëseardhje e ngrohtë nga ambasadori Danie Saada, i ngarkuari me punë i Izraelit në Francë. Pata kënaqësinë të bisedoj më të, një ditë pas hapjes historike të ambasadës tonë në Jerusalem”, ka shkruar Gashi.

Përkundër kundërshtimeve të shumta, Kosova ka hapur ambasadën e saj në Jerusalem të dielën.

Ines Demiri është e ngarkuara me punë e Kosovës në shtetin e Izraelit dhe pritet që të jetë ambasadorja e parë e Kosovës atje.

Hapja e Ambasadës së Kosovës në Jerusalem u parapa në Marrëveshjen e 4 shtatorit, kur Kosova dhe Serbia kanë nënshkruar në Shtëpinë e Bardhë dy dokumente për normalizimin e raporteve ekonomike, në prezencë të presidentit të atëhershëm amerikan, Donald Trump.

Në dokumentin e nënshkruar nga Kosova, është paraparë njohja e ndërsjellë me Izraelin, ndërkaq, në rastin e Serbisë, është paraparë zhvendosja e Ambasadës së saj nga Tel Avivi në Jerusalem, gjë që ende nuk ka ndodhur.

Hapjen e Amasadës së Kosovës në Jerusalem e kishte kundërshtuar Bashkimi Evropian. Më 2 shkurt, BE-ja e quajti vendim fatkeq hapjen e kësaj ambasade në qytetin e Jerusalemit, statusin e të cilit, blloku evropian e konsideron të pazgjidhur.

Kundërshti kishte shprehur edhe Ambasada turke në Prishtinë si dhe Liga Arabe. Kjo e fundit, i kishte bërë thirrje Kosovës që të heqë dorë nga ky vendim, dhe t’i përmbahet rezolutave ndërkombëtare mbi Jerusalemin.

Lajmet të tjera

Back to top button